Уақытша қашықтан оқытылатын №11 орта мектеп балаларының ата-аналарына ұсыныстар

Ең алдымен, өзіңіз және балаңыз үшін үйреншікті күн тәртібі мен ырғағын (ұйқы мен ояну уақыты, сабақтың басталуы, ұзақтығы, «үзілістер» және т.б.) сақтағаныңыз дұрыс. Күн тәртібінде күрт болған өзгерістер баланың бейімделу мүмкіндіктерінің айтарлықтай өзгеруіне әсер етуі және шамадан тыс шиеленіс пен стреске әкелуі мүмкін
Баланың ата-анасы мен жақындары болып жатқан жағдайға сабырлы және сыни көзқараспен қарауға тырысуы керек. Баланың эмоционалдық жағдайы ересек адамның (ата-анасының, туыстарының) жағдайына тікелей байланысты. Басқа елдердің ата-аналар тәжірибесі көрсеткендей, оқшаулау режиміне бейімделуге біраз уақыт кетеді және бұл қалыпты процесс.
Сабырлы, ұстамды болыңыз, балалардың вирус туралы және т.б. сұрақтарына жауап беруден қашпаңыз, бірақ пандемиялық жағдай мен оның қауіп-қатері туралы ұзақ пікірталасқа бармаңыз. Ғаламтор желілерінің «сұмдықтары» туралы толық айтпаңыз!
Балалардың қашықтан оқытуды ұйымдастыру бойынша мектептен алатын ұсыныстарын түсінуге тырысыңыз. Тек мектеп әкімшілігі мен сынып жетекшіден ғана келген ресми ақпаратқа назар аударыңыз. Бұл процесті ұйымдастыруға мектепке де уақыт керек. Қазіргі уақытта ата-аналар мен мұғалімдерге арналған қашықтан оқытуға көмектесетін бірқатар ресурс бар (Билимленд, Күнделік, U-study және т.б.). Білім беру бағдарламаларының мазмұнына байланысты болғандықтан, көптеген ата-аналар бұл платформаларды қазірдің өзінде қолданады.
Егер ата-аналар олардың кейбіреулерін баласымен «меңгеруге» тырысса, оқушылардың ата-аналары мен туыстары қашықтан оқытудың тартымдылығын арттыра алады. Мысалы, сіз балаңызға сұрақ қойып, пікірталас тудырсаңыз, сабақ қызықты танымдық ойын-сабаққа айналады. Бала үшін бұл – мотивацияны жоғарылату мүмкіндігі, ал ата-аналар үші – балаларын жақсырақ білу және түсіну мүмкіндігі.
Үйде отыруға мәжбүр болған кезде, сіз және сіздің балаңызға жақын әлеуметтік ортада (телефон, мессенджер арқылы) байланыста болу өте маңызды, алайда алынған ақпараттың жалпы ағынын (жаңалықтар, әлеуметтік желілердегі ақпараттар) азайту қажет. Ағымдағы жаңалықтардан хабардар болу үшін жаңалықтардың бір көзін таңдап, оған күніне 1-2 реттен көңіл бөлу жеткілікті (мысалы, таңертең – таңертеңгі
шаруалардан кейін, рәсімдерден кейін біраз уақыт және кешке – тыныштықта болу керек, бірақ ұйқыға дейін 2 сағат бұрын емес), бұл мазасыздықты азайтуға көмектеседі.
Жақын адамдармен сөйлесу үшін балаға «ақпараттық шу», кейде жалған ақпарат тарататын әлеуметтік желілерден аулақ болуға кеңес беріңіз. Өзіңіз бір мессенджерді таңдаңыз (мысалы, Telegram, WhatsApp, Viber) және маңызды әңгімені сол жерге ауыстыруға тырысыңыз. Әлемдегі қазіргі өзекті жағдайды жиі талқылайтын чаттардан аулақ болған жөн. Ол жерге күніне 1 – 2 рет кіру жеткілікті. Жедел хабар алмасушы кез-келген чатты үнсіз режимге қоюға болады және ол жерге керек болған жағдайда ғана кіру қажет.
Баланың өз бетінше белсенді өмір сүру кезеңдерін (үнемі оның көңілін көтеріп, шұғылдандырудың қажеті жоқ) және ұзақ уақытқа кейінге қалдырылған ересектермен бірлескен істерді қарастыру ету қажет. Үйде болудың басты идеясы - «жазалау» емес, жаңа дағдыларды игеру, білім алу және жаңа қызықты істермен айналысудың көзі.
Үйде отырып, бала сыныптастарымен, достарымен (қоңыраулар, ВК, топтық чат) қарым – қатынасын жалғастыра алады. Ата-аналар виртуалды конкурстар өткізу идеяларын (мысалы, жағымды естеліктер және т.б.) және басқа да жағымды белсенділікті ұсынуы мүмкін. Жасөспірімдерге өздерін қызықтыратын тақырыпта (спорт, музыка, фильмдер, тамақ әзірлеу) жеке блог жүргізе бастауды ұсынуға болады.